Ahmedê Hepo – BAWERÎ

Açıklama

Roman bi zimanekî sivik dest bi geştê dike. Mirovî ji cîhana makîneyan derdixe û ber bi axê ve dibe.

Helbet romanek tenê ji diyalogan pêk nayê, tenê tevgerên lehengekî diduyan venabêje. Divê roman wêneyê her demê ji çend aliyan ve bikêşe. Ji vî aliyî ve roman galeriyeke wêneyan e û her wêneyekî wê ji layê bergehekî cuda ve hatiye kişandin.

Romannivîs ne tenê wênekêşek e, her wiha ew serokê  tîma wênekêşan e û bûyerekê ji çar aliyên wê ve dike belgeyeke nemir.

Ahmedê Hepo di vê romana xwe de bi hostatiyekê teswîrên gelekî baş pêk anîne, rewş û tevger baş şayese kirine.

Wekî hemû nivîskarên Sovyeta berê Ahmedê Hepo jî daye ser şopa rojnameya Riya Teze û bi rastî şêwazekî wan ê axaftinê heye. Axaftin ne li gorî rêzimana îroyîn e û piranî zimanê devkî serdest e.